ههههههه نكت مغربية مضحكة ههههههههههههه

-
واحد الاستاذ ديال الفيزيك سول واحد التلميذ مكلخ: ماهي الوحدة ؟
قال ليه المكلخ: هي الطناش القديمة
2-
واحد الولد قال لجدو: جدي كتعرف فرنسا؟
قال ليه جدو: دوزت فيها خمس سنين
قال ليه الولد: كتعرف النجليز؟
قال ليه جدو: دوزت فيها سبع سنين
قال ليه الولد: كتعرف البرازيل؟
قال ليه جدو: دوزت فيها تسع سنين
قال ليه الولد: واو أجدي، كتعرف الجغرافيا
قال ليه جدو: دوزت فيها عشر سنين أولدي
3-
هادا واحد مشى يخطب. ملي سولو بات العروسة فاش خدام كاليه دريدور.
نوض بات البنت الحيحة باش يزوجهم، قال مع راسو ضروري هادا شي شخصية مهمة وما خاصنيش نفلتو.
ملي مشاو عند العدول، سولوا العريس: فاش خدام؟
قال ليهم العريس: دريدور نعام اسيدي
قالوا ليه العدول: اشنا هي هاد الخدمة؟
قال ليهم العريس: الدريدور ملي نعام اس كتعجن الشباكية وكطيب، كندردر من فوقها الجنجلان
4-
واحد المرا حاملة تافقات مع راجلها إيلا ولدو بنت يسميوها مبروكة وإيلا ولدوا ولد يسميوه مبروك
ملي ولدات المرا، خرج الطبيب عند الراجل وقال ليه: ألف مبروك
وهو يسخف الراجل مسكين
5-
شفار تزوج شفارة، ملي ولدو وليد لقاوه ساد ايديه، وملي حلوها لقاو الخاتم ديال القابلة
6-
واحد المكلخة كانت غادية ف الزنقة وهي توقف حدا واحد المراية.
بقات تشوف فراسها وكتقول: فايت ليا شفت هاد الكمارة... أنا متأكدة كنعرف هاد البنت
شوية وهي تعيق: اااااااااااااه هادي هي ديك خيتي اللي كانت كتخنزر فيا عند الكوافورة
7-
جوج مبوقين كانوا جالسين حدا واحد الحيط
ناض واحد فيهوم سول لاخور: شوف شوف، أشنو هاديك النقطة الزرقا اللي ف الحيط؟
حنزز فيها صاحبو مزيان، وقال ليه: هاديك نملة لابسة الدجين
8-
هادو ربعة د المكلخين كيبدلوا البولة ديال البيت
واحد شاد البولة، وتلاتة كيدوروه
9-
واحد المرا قالت لراجلها: خاصك تدي هاد العفريت ديال ولدك لحديقة الحيوان
قال ليها راجلها: إيلا بغاوه إيجيو إيديوه هوما نيت
10-
هادا واحد الدري جرى عليه الأستاد ديال لانفورماتيك
مللي مشى عند الحارس العام، قال ليه: مالك أولدي؟
قال ليه التلميد: جرى عليا مول السيبير
11-
هادا جوج كانوا غادين ف الطريق
واحد قال لصاحبو: شوف شوف، طير ميت
ناض لاخور هز راسو للسما وقال ليه: فين؟ فين؟

12-
هادا واهد مبوق كان غادي ف الطريق وبدات الشتا تصب، وهو يبدا ينقز
سولوه: مالك كتنقز؟
قال ليهم ما بغيتش نعفط على النعمة



اتمنى ان تكون هذه النكت في المستوى